El Real Sporting completó esti vienres la penúltima sesión de trabayu de cara a la xornada 38 de LALIGA HYPERMOTION. L’equipu va visitar esti domingu (16:15 hores) nel Stage Front Stadium al RCD Espanyol.
El trabayu tácticu tomó’l protagonismu de la sesión. Tres la charra técnica y el calentamientu, el cuerpu técnicu punxo’l focu n’aspeutos concretos del choque de la fin de selmana. La estratexa centró una parte importante de la sesión desenvuelta sobro’l Campu 2 de la Escuela de Fútbol de Mareo.
Christian Joel y Cote fixeron trabayu individual dientro la planificación prevista pa esta selmana. Rivera exercitose de manera parcial col grupu. Nacho Martín y Campuzano trabayaron xuntu al readaptador. Zarfino completó una nueva xornada del so plan específicu d’entrenamientu. Bloch, Pablo Díez y Jorge Montes, del Sporting Atléticu, formaron parte de la sesión al pie de la primer plantiya.
L’últimu entrenamientu de la selmana va ser esti sábadu a les 10:30 hores, na Escuela de Fútbol de Mareo, a puerta zarrada.
